કચ્છ જિલ્લાનું ગૌરવ વધારતી માંડવીની તેજસ્વી છાત્રા ધ્વનિ ચૌહાણ

યુનિવર્સિટીમાં ચેસમાં ચેમ્પિયન બનતા હવે નેશનલ ટુર્નામેન્ટમાં ભાગ લેવા મુંબઈ જશે.

આ અગાઉ પણ ધ્વનિ ચૌહાણે ચેસ અને કરાટેમાં 23 ટ્રોફી, 5 મેડલ અને 53 સર્ટીફીકેટ મેળવીને માંડવી નું ગૌરવ વધારેલ છે.

માંડવી તા. ૦૬/૧૧
માંડવી ની તેજસ્વી છાત્રા ધ્વનિ સંજયભાઈ ચૌહાણે ચેસમાં કચ્છ જિલ્લાનું ગૌરવ વધારેલ છે.

તેજસ્વી છાત્રા ધ્વનિ સંજયભાઈ ચૌહાણ તાજેતરમાં કચ્છ યુનિવર્સિટીમાં ચેસમાં ચેમ્પિયન બનતા તાજેતરમાં એસ.આર.કે.ઇન્સ્ટિટયૂટ અંજાર ખાતે યુનિવર્સિટી ચેસ ટુર્નામેન્ટ યોજાય હતી.

જેમાં માંડવીની તેજસ્વી છાત્રા ધ્વનિ સંજયભાઈ ચૌહાણ ચેમ્પિયન બનતા હવે તા. 21/11/2023 ના મુંબઈ ખાતે યોજાનાર નેશનલ ટુર્નામેન્ટમાં ભાગ લેવા જશે. આમ ધ્વની ચૌહાણે માંડવી અને કચ્છ જિલ્લાનું ગૌરવ વધારેલ હોવાનું રાષ્ટ્રપતિ એવોર્ડ વિજેતા અને માંડવીના સામાજિક અગ્રણી દિનેશભાઈ શાહે જણાવ્યું હતું.

અત્રે એ ઉલ્લેખનીય છે કે, આ અગાઉ ધ્વનિ ચૌહાણે ખેલ મહાકુંભમાં 6 (છ) વખત કચ્છ જિલ્લાનું પ્રતિનિધિત્વ કરીને રાજ્ય કક્ષાએ ભાગ લેવા ગયેલ છે. આ ઉપરાંત તે બ્લેક બેલ્ટ કરાટેમાં ચેમ્પિયન બનેલ છે. ધ્વનિ ચૌહાણે ચેસ અને કરાટે માં કુલ 23 ટ્રોફી, 5 મેડલ અને 53 સર્ટિફિકેટ મેળવીને માંડવીનું ગૌરવ વધારેલ છે.

ધ્વનિ ચૌહાણ પ્રાથમિક શિક્ષણ માંડવીની સરસ્વતી વિદ્યાલય (શિશુ મંદિર) અને ધોરણ 12 સુધી માંડવીની શેઠ ખીમજી રામદાસ કન્યા વિદ્યાલયમાં અભ્યાસ કરીને હાલમાં ભુજની એસ.કે.એલ.પી. લેવા પટેલ કોલેજમાં બી.એસ.સી. નર્સિંગમાં બીજા વર્ષમાં અભ્યાસ કરી રહ્યા છે.

ધ્વનિ ચૌહાણ ના પિતા સંજયકુમાર કાંતિલાલ ચૌહાણ ભુજમાં જી.એસ.ઈ.સી.એલ.માં એક્ઝિ. એન્જિનિયર અને માતા શ્રીમતી તૃપ્તિબેન સંજયભાઈ ચૌહાણ માંડવીમાં પી.જી.વી.સી.એલ.માં નાયબ એન્જિનિયર તરીકે ફરજ બજાવી રહ્યા છે.
માંડવી અને કચ્છનું ગૌરવ વધારનાર માંડવી ની તેજસ્વી છાત્રા ધ્વનિ સંજયભાઈ ચૌહાણ ને ઠેર ઠેરથી અભિનંદન મળી રહ્યા છે.